دانيا ەسپاەۆا ۇلتتىق قوعامدىق سەنىم كەڭەسىنىڭ ءبىرىنشى وتىرىسىنان كەيىنگى ارالىقتا اتقارىلعان جۇمىستار جايىندا ايتتى.
«العاشقى وتىرىستان بەرى ءۇش اي ۋاقىت ءوتتى. وسى قىسقا مەرزىمدە بارلىق ءۇش بلوك ۇسىنىستارىن بەردى. پرەزيدەنت اكىمشىلىگىندە 18 وتىرىس ءوتتى. بۇل ءوز كەزەگىندە اۋقىمدى جۇمىس اتقارىلعانىن بىلدىرەدى, ياعني ءاربىر بلوك 30-دان كەم ەمەس ۇسىنىس ەنگىزدى. بۇگىن پرەزيدەنتتىڭ سوزىنەن ۇسىنىستاردىڭ كوبى قابىلدانعانىن تۇسىنۋگە بولادى», دەدى دانيا ەسپاەۆا.
سونداي-اق ول ەكونوميكالىق بلوگ ۇسىنعان ۇسىنىستاردىڭ پرەزيدەنت دەڭگەيىندە شەشىم قابىلدانعانىن ايتتى.
«ەكونوميكالىق بلوك قامتىعان ۇسىنىستاردىڭ كوبى پرەزيدەنت دەڭگەيىندە شەشىم قابىلدانعانى قۋانتادى. سونىمەن قاتار ساياسي رەفورمالار دا نازاردان تىس قالمادى. سوندىقتان پارتيالاردى تىركەۋگە قاتىستى ماسەلە ماڭىزدى بولدى. بۇگىنگى وتىرىس بارىسىندا ءبىز جاقسى جاڭالىقتى ەستىدىك, مۇشەلەرى سانى 40 مىڭنان 20 مىڭعا دەيىن قىسقاراتىنى ايتىلدى. ياعني پارتيانى تىركەۋدە مۇشەلەر سانىنىڭ تومەنگى شەگى ەكى ەسەگە ازايتىلماق», دەدى د. ەسپاەۆا.